RNE
Luz de Sefarad
Ofrecemos entrevistas a figuras cercanas al legado del pueblo hispanojudío.
Actualizado: 2026-08-29
Enlaces relacionados
episodios
"David Galante: la vida dempués de Auschwitz" - 26/07/26
26 jul 2026, 8:35 · 6 min
<p>Kontinuamos kontando la milakrosa istoria de David Galante, superbiviente del Holocausto, Shoá, nasido en Rodas (Grecia) el 21 de Agosto de 1925, kon soltanto 17 anyos fue yevado a los kampos de la muerte nazis injunto a su famyia. Por el tiempo de 50 anyos no pudo ni kisho avlar de la vida en Auschwitz, ma dempués se konvensió ke devía kontarlo todo i dar ensenyanza de su vida i lucha. ¿Kómo reushó en su terivle lucha por sobrebivir? ¿Kómo fue su vida dempués en Buenos Aires, Argentina? Un omenaje a David Galante ke murió en Buenos Aires, Argentina en 2020. En el Museo del Holocausto de Buenos Aires (Argentina) i en Yad Vashem (Israel), se guadra dokumentasión i fotos de su istoria. Kurunamos el programa kon el kante "Yo m'enamorí" en la boz de Fortuna.</p><p>"Mi vedradera liverasión fue kuando pude empezar a kontar"</p><p> David Galante (Rodas, 1925 - Buenos Aires, 2020)</p><div><br/><a href="https://www.rtve.es/play/audios/luz-de-sefarad/david-galante-vida-dempues-auschwitz/17167594/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/david-galante-vida-dempues-auschwitz/17167594/" alt=""/>
Luz de Sefarad - "David Galante, sefardí superviviente del Holocausto - 19/07/26
19 jul 2026, 8:35 · 7 min
<p>Kompartimos la istoria de David Galante, sefardí nasido en Rodas (Grecia) ke injunto a su ermano Moshé fue el úniko superbiviente de su famyia ke fueron yevados a kampos de eksterminio nazis. Sus padres Abraham i Rebeca, i sus tres ermanas Rosa, Matilde i Sara fueron matados todos en Auschwitz, akí kontamos parte de su istoria en el kampo de eksterminio. Semana vinien kontinuamos kon la istoria de David Galante komo omenaje a las víktimas de la Shoá, Holocausto. Kurunamos el programa kon el kante "Arvolés yoran por luvias" en la versión de Isaac Levy.</p><div><br/><a href="https://www.rtve.es/play/audios/luz-de-sefarad/luz-sefarad-david-galante-sefardi-superbiviente-del-holocausto/17160044/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-david-galante-sefardi-superbiviente-del-holocausto/17160044/" alt=""/>
Luz de Sefarad - Los Sefardíes, el Holocausto i el réjimen de Franco - 12/07/26
12 jul 2026, 8:35 · 6 min
<p>Informamos a los oyentes sovre el Holocausto, los sefardim i el apoyo de Franco. </p><p>Dientro del Congreso Legado Sefardí organizado en Zamora por el Centro Isaac Campantón kompartimos investigasiones de Ricardo Angoso, periodista i eskritor ke ofresió la Ponensia "Los Sefardíes, el Holocausto y el régimen de Franco". Ricardo mos aporta informasiones sovre la pozisión de Franco en atadura a los sefardím, un tema muy interesante ke mos da a konoser desde una mirada diferente i tambyén istórika. Kurunamos el programa kon el kante "Printzesita" en la versión de Flory Jagoda.</p><div><br/><a href="https://www.rtve.es/play/audios/luz-de-sefarad/luz-sefarad-sefardies-holocausto-rejimen-franco/17152718/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-sefardies-holocausto-rejimen-franco/17152718/" alt=""/>
Luz de Sefarad - Congreso Internacional Zamora Legado Sefardí. Transmisión i konservasión - 05/07/26
5 jul 2026, 8:35 · 6 min
<p>Informamos a los oyentes sovre el Congreso Internacional Legado Sefardí, basho lema Transmisión, Reparación y Conservación, del 1 al 3 de Julio de 2026. Es la edisión numeró 14 de este Congreso organizado en Zamora por el Centro Issac Campantón, kon Jesús Jambrina a la kaveza, un destakado Congreso kon distintas temátikas kon ponensias sovre istoria del Legado Sefardí, traverso su transmisión i konservasión. Konversamos kon Jesús Jambrina, organizador del Congreso. Algunos temas del Congreso Legado Sefardí: "Los sefardíes, el holocausto y el régimen de Franco" por el periodista Ricardo Angoso, "Testimonio y escritura del legado sefardí" por la eskritora Bella Ventura. Kurunamos el programa sintiendo la nana "Durme durme mi andjeliko" en la versión del Grupo A Ballare.</p><div><br/><a href="https://www.rtve.es/play/audios/luz-de-sefarad/luz-sefarad-congreso-internacional-zamora-legado-sefardi-transmision-konservasion-05-07-26/17135849/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-congreso-internacional-zamora-legado-sefardi-transmision-konservasion-05-07-26/17135849/" alt=""/>
Luz de Sefarad - La Djudería de Sevilla: kultura i turismo. Angie Moreno - 28/06/26
28 jun 2026, 8:35 · 6 min
<p>La Djudería de Sevilla en la Red de Juderías de España. Angie Moreno, Teniente de Alcalde y Delegada de Turismo y Cultura del Ayuntamiento de Sevilla.</p><p>Sevilla entró esta anyada 2026 en la Red de Juderías de España, es una Djudería kon una profunda istoria de su Komunidad.</p><p>Konversamos kon Angie Moreno, Teniente de Alcalde y Delegada de Turismo y Cultura del Ayuntamiento de Sevilla para konoser los proyektos en turismo i kultura en la Djudería de Sevilla. La Komunidad Djudía de Sevilla fue una de las más importantes de todo Sefarad, la Komunidad djudía yegó a kontar kon más de unos 4.000 djudiós, i fue la sigunda djudería más grande de España dempués de la de Toledo, es por esto ke los djudiós de Sevilla kontaron kon un destakado rolo en el komersio I desvelopando la ekonomía de la sivdad. Kurunamos el programa sintiendo el kante tradisional sefardí "Los Bilbilikos" ke interpreta la kantadera Judy Frankel.</p><div><br/><a href="https://www.rtve.es/play/audios/luz-de-sefarad/luz-sefarad-djuderia-sevilla-kultura-turismo-angie-moreno-28-06-26/17127651/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-djuderia-sevilla-kultura-turismo-angie-moreno-28-06-26/17127651/" alt=""/>
Luz de Sefarad - "Komo tener una vida más espiritual: mirando más lejos"- 21/06/26
21 jun 2026, 8:35 · 5 min
<p>La tradisión sefardí se baza en la espiritualidad, tanto en las bindisiones komo en las orasiones i los savios ofresen sus konsejos para kontar kon una vida más espiritual. Tambyén las festividades kontan kon sus butos (objetivos) espirituales. Vos deshamos importantes konsejos en este programa. Eksplikasiones de ke es la visión espiritual, la ke va más ayá de los 5 sentidos. Kurunamos el programa kon el kante kontemporáneo ke mos avla de la bindisión de las manos ke krean "Kon mis manos" poesía de Matilda Kohen Sarano i múzika de Horacio Lovecchio en la boz de Mónica Monasterio.</p><div><br/><a href="https://www.rtve.es/play/audios/luz-de-sefarad/luz-sefarad-komo-tener-vida-mas-espiritual-mirando-mas-lejos/17115720/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-komo-tener-vida-mas-espiritual-mirando-mas-lejos/17115720/" alt=""/>
Luz de Sefarad - Kuzina sefardí: Pishkado gizado kon mues o almendras - 14/06/26
14 jun 2026, 8:35 · 6 min
<p>Ofresemos kompartir una rika recheta de la kuzina sefardí "Pishkado gizado kon mues o almendras", a baze de pishkado i mueses o almendras, una viesha recheta muy savurida i kompleta. Las rechetas de los sefardim viasharon kon eyios komo parte de la kultura i patrimonio ke fue yevado dempués de la eskpulsión de España en 1492 a paízes onde se enrikesieron kon más ingredientes del lugar, al igual ke akontesió kon la lingua sefardí o djudeo-espanyola ke se enrikesió kon palavras de estos paízes. Kurunamos el programa kon el kante "Raguza" ke interpreta la kantadera Flory Jagoda.</p><div><br/><a href="https://www.rtve.es/play/audios/luz-de-sefarad/luz-sefarad-kuzina-sefardi-pishkado-gizado-kon-mues-almendras-14-06-26/17111188/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-kuzina-sefardi-pishkado-gizado-kon-mues-almendras-14-06-26/17111188/" alt=""/>
Luz de Sefarad - Libro Máximo J Kahn, salvador de los sefardim del Holocausto
7 jun 2026, 6:45 · 6 min
<p>Ofresemos kompartir la prezentasión del livro "Máximo José Kahn Nussbaum, los sefardíes de Grecia y la Legación de España en Atenas durante la Guerra Civil española" de la Profesora de Historia Contemporánea Matilde Morcillo Rocillo, puvlikado en linguas espanyola i grego por el Ministerio de Asuntos Exteriores de España kon kolavorasión del Instituto Cervantes y la Agencia Española de Cooperación Internacional para el Desarrollo. Sentimos la istoria de Máximo José Kahn, eskritor djudió de orijin alemán naturalizado espanyol, kon palavras de su autora Matilde Morcillo, en la prezentasión en Centro Sefarad-Israel onde mos topimos musafires, indemás partayó en la prezentasión José Eugenio Thovar, Director de Centro Sefarad-Israel. Este livro es un omenaje a Kahn, komo filósofo, pensador i salvador de munchas famyias de djudiós sefardim de Atenas y Salónica en Grecia, ke fue Diplomátiko en Grecia durante la guera civil espanyola, primero komo Cónsul del governo repuvlikano en Salónica entre 1937 i 1938. Tambyén kolavoró en Un Proyekto Sefardí i kontó kon la idea de puvlikar un Romancero para salvaguadrar los romanses sefardim. Kurunamos el programa kon el romanse "La rosa enflorece" ke interpreta Isaac Levy.</p><div><br/><a href="https://www.rtve.es/play/audios/luz-de-sefarad/luz-sefarad-libro-maximo-kahn-salvador-sefardim-del-holocausto/17102368/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-libro-maximo-kahn-salvador-sefardim-del-holocausto/17102368/" alt=""/>
Luz de Sefarad - Muevo Livro Tradiciones y Costumbres judías en Melilla - 31/05/26
31 may 2026, 8:35 · 6 min
<p>Kompartimos la prezentasión del muevo livro "Tradiciones y Costumbres Judías en Melilla" de Mordejay Guahnich.</p><p>La mueva edisión del livro "Tradiciones y Costumbres judías en Melilla" konta kon en serka de 100 pajinas más, ensenyando la istoria del djudaísmo en la sivdad, kon fotós destakadas i basa en la Ruta La Melilla Sefardí onde los kapitolós yevan el nomvre de Kandelikas ke mos kontan la vida de la Komunidad Djudía Sefardí de Melilla, indemás kapitolós dedikados a la liturjia, el kalendario evreo i el siklo de la vida basho la tradisión ortodoksa. El Kasher es un tema kon mirada espiritual i material, kon figuras de importantes Rabinos sefardim. Palavras de Mordejay Guhanich Bitán ke mos avla sovre este muevo kompleto livro ke amostra las tradisiones de los djudiós sefardim de Melilla. Kurunamos el programa kon el romanse "Una ija tiene el Rey", en la versión de Viviana Rajel Barnatán.</p><div><br/><a href="https://www.rtve.es/play/audios/luz-de-sefarad/muevo-livro-tradiciones-costumbres-judias-melilla/17091576/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/muevo-livro-tradiciones-costumbres-judias-melilla/17091576/" alt=""/>
Luz de Sefarad - Tradisión djudeo-espanyola dempués de la ekspulsión de España - 24/05/26
24 may 2026, 8:35 · 3 min
<p>En "Luz de Sefarad" ofresemos informasiones sovre la herencia y la tradisión djudeo-espanyola ke fue atresorada traverso los tiempos por las Comunidades Sefardim en kada país onde los djudiós fueron a morar dempués de la ekspulsión de España, en 1492, kon eyios yevaron la tradisión, ma tambyén los kantes i romanses injunto a su rikeza literaria, gastronómika i de liturjia relijiosa. </p><p>Kante tradisional sefardí de la Comunidad Sefardí de Rodas (Grecia) "La Serena", versión de Jana Lewitová.</p><div><br/><a href="https://www.rtve.es/play/audios/luz-de-sefarad/luz-sefarad-tradision-djudeo-espanyola-dempues-ekspulsion-espana-24-05-26/17079444/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-tradision-djudeo-espanyola-dempues-ekspulsion-espana-24-05-26/17079444/" alt=""/>
Luz de Sefarad - Espiritualidad: la lus del dezeo de kompartir - 17/05/26
17 may 2026, 8:35 · 6 min
<p>En Luz de Sefarad ofresemos a los oyentes konseshos espirituales para desvelopar en el kamino a konosernos mijor. La vida espiritual es un kamino destakado en la tradisión oral sefardí. Komo podemos trokar el dezeo egoísta en dezeo de dar i kompartir, un paso más para ser presonas más espirituales.</p><p>Kante tradisional sefardí "Adio kerida", versión de Jana Lewitová.</p><div><br/><a href="https://www.rtve.es/play/audios/luz-de-sefarad/luz-sefarad-espiritualidad-lus-del-dezeo-kompartir/17064475/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-espiritualidad-lus-del-dezeo-kompartir/17064475/" alt=""/>
Luz de Sefarad - "Los protektores aragoneses konversos de Colón" - 10/05/26
10 may 2026, 8:45 · 8 min
<p>Oy en Luz de Sefarad ofresemos a los oyentes informasiones i investigasiones kuriosas sovre las presonalitades ke dieron apoyo a Colón, i todos eyios eran konversos.</p><p>Istoria i dokumentasión: El Reino Aragonés fue la parte de España ke mantenía desde siglos atrás un trokamiento de kumersio muy destakado kon Oriente i ansimezmo el úniko país ispano onde se kontinuó kon este kumersio, sin ser akurtado por la Rekonkista, en el rolo del desvelopamiento ekonómiko. Te kontamos la importansia del rolo del kumersio, onde los djudiós izieron valutozos aportes a la ekonomía de esos tiempos. Te informamos sovre El Gavinete Aragonés i sus presonalitades, konversos. Kurunamos el programa kon el romanse "La Donzella" ke interpreta la kantadera Judy Frankel.</p><div><br/><a href="https://www.rtve.es/play/audios/luz-de-sefarad/luz-sefarad-protektores-aragoneses-konversos-colon/17059872/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-protektores-aragoneses-konversos-colon/17059872/" alt=""/>
Luz de Sefarad - Kuzina kon Dulsurias. Tortika de Chokolate - 03/05/26
3 may 2026, 8:35 · 6 min
<p>Kompartimos kon los oyentes muestra mesa kon savores sefardim i muevas rechetas. Los savores mos yegan injunto a la múzika. Eskojimos una recheta muy savurida entre las dulsurias "Tortika de chokolate" para fiestas, shabat o kualker okasión entre amigos i famyia. Kurunamos el programa kon el kante gastronómiko "La komida de la manyana" en versión de Marléne Samoun.</p><div><br/><a href="https://www.rtve.es/play/audios/luz-de-sefarad/luz-sefarad-kuzina-kon-dulsurias-tortika-chokolate-03-05-26/17042838/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-kuzina-kon-dulsurias-tortika-chokolate-03-05-26/17042838/" alt=""/>
Luz de Sefarad - Kante i de las Nanas- 26/04/26
26 abr 2026, 8:35 · 4 min
<p>En "Luz de Sefarad" destakamos la importansia del kante i de las Nanas, ermozos kantes ke son de transmisión oral, i ke en la kultura sefardí se guadran para endurmeser a los ijikos. Eksisten diversitá de versiones i titolós de distintos orijines. Estas nanas se kantavan kon la propia boz de las musheres i los ombres, dempues se agregaron los instrumentos muzikales, al empesijo soltanto panderos i perkusión kon las manos. Ofresemos kompartir una ermoza Nana "Durme, durme mi andjeliko" en la versión del Grupo A Ballare.</p><div><br/><a href="https://www.rtve.es/play/audios/luz-de-sefarad/luz-sefarad-kante-nanas-26-04-26/17039215/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-kante-nanas-26-04-26/17039215/" alt=""/>
Luz de Sefarad - Salamanca, Djudería: Deskuverta restos arkeolójikos S XV, XVI - 19/04/26
19 abr 2026, 8:35 · 5 min
<p>Kompartimos informasiones sovre el deskuvrimiento de restos arkeolójikos en la viesha Djudería de Salamanca, pazados días, ke fue una importante Aljama. Salamanca, en Sefarad es una ermoza sivdad universitaria kon grandes tresoros kulturales en sus fraguas i paisajes, akí en unas ovras se izieron las muevas deskuvertas de restos arkeolójikos de S XV i XVI muy en serka. Las deskuvertas de restos arkeolójikos se toparon en la kaleja Veracruz, korasón de la viesha Djudería de la sivdad. Malorozamente dempués de la ekspulsión de los djudiós en 1492 no se konserva kuashi nada, ma traverso investigasiones istórikas savemos ke Salamanca kontava kon 3 Sinagogas.</p><p>Kurunamos el programa kon el kante tradisional "Auvrixmi galanica" en la interpretasión del Grupo A Ballare.</p><div><br/><a href="https://www.rtve.es/play/audios/luz-de-sefarad/luz-sefarad-salamanca-djuderia-deskuverta-restos-arkeolojikos-s-xv-xvi-19-04-26/17028692/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-salamanca-djuderia-deskuverta-restos-arkeolojikos-s-xv-xvi-19-04-26/17028692/" alt=""/>
Luz de Sefarad - Rab Zukerwar - 12/04/26
12 abr 2026, 8:35 · 6 min
<p>En "Luz de Sefarad" mos aserkamos a la espiritualitá ke es una parte importante del legado sefardí, sovre todo en el rolo de la mujer. El Rab Zukerwar ke malorozamente pedrimos en 2009, mos deshó grandes ensenyanzas komo estas palavras ke mos yenan de positivitá la alma sovre el deseo i el dar. Kurunamos el programa kon el kante tradisional sefardí "Yo m'enamorí" en la interpretasión de la kantadera Fortuna.</p><div><br/><a href="https://www.rtve.es/play/audios/luz-de-sefarad/luz-sefarad-rab-zukerwar-12-04-26/17017806/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-rab-zukerwar-12-04-26/17017806/" alt=""/>
Luz de Sefarad - La Red de Juderías de España - 05/04/26
5 abr 2026, 8:35 · 4 min
<p>En Luz de Sefarad palavras de Iñaki Echeveste, Director General de la Red de Juderías de España, mos avla sovre el importante lavoro de turismo, istoria en kada una de las Djuderías ke kompozan esta detakada Red i sus aktividades. Kurunamos el programa kon kante litúrjiko "Bendigamos" interpretasión Viviana Rajel Barnatán.</p><div><br/><a href="https://www.rtve.es/play/audios/luz-de-sefarad/luz-sefarad-red-juderias-espana-05-04-26/17009034/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-red-juderias-espana-05-04-26/17009034/" alt=""/>
Luz de Sefarad - Festividad de Pesaj: Fiesta de la matzá i la livertad - 29/03/26
29 mar 2026, 8:35 · 9 min
<p>Ofresemos un programa sovre Pesaj, la fiesta de la matzá, kuando Dió liveró al puevlo evreo de Egipto. Pesaj es una de las festividades de la Torá i una de las más importantes en el kalendario evreo. Esta anyada kayie el 1 de Abril ke se selevra el primer Seder de Pesaj, una kumida festiva onde se konta la Hagadá, la istoria de la liverasión de los djudiós por el Dió, traverso el patriarka Moshé Rabenu. En este programa te kontamos las palavras de la Torá (Viesho Testamento), manadero de la fiesta i damos eksplikasiones al orijín de la fiesta. La matzá, pan ázimo es el sentro de la fiesta, simbol de la umiltá, onde por ocho días tomamos matzot. Kurunamos el programa kon el afamado kante de la Hagadá para todas las chikas kriaturas "Un kavritiko" esta es unotra versión de la kantadera Flory Jagoda.</p><p>"Pesaj alegre para todos kon bindisiones"</p><div><br/><a href="https://www.rtve.es/play/audios/luz-de-sefarad/festividad-pesaj-fiesta-matza-livertad/17000497/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/festividad-pesaj-fiesta-matza-livertad/17000497/" alt=""/>
Luz de Sefarad - Ninias de Salonik: La poeta sefardí Rita Gabbai - 22/03/26
22 mar 2026, 9:35 · 5 min
<p>A la okasión de los 500 anyos de la ekspulsión de los djudiós de Sefarad, Rita Gabbai Simantov, poeta sefardí dedikó su ovra en esta importante konmemorasión "Quininetos anios depués". Kompartimos la poesía "Ninias de Salonik" onde Rita Gabbai aze un omenaje a las ninias de Salonik ke yenas por entero de vida fueron eksterminadas del modo más kruel en los kampos de eksterminio nazi. Kurunamos el programa kon el kante tradisional "Morenika" en la boz de Fortuna.</p><div><br/><a href="https://www.rtve.es/play/audios/luz-de-sefarad/luz-sefarad-ninias-salonik-poeta-sefardi-rita-gabbai-22-03-26/16989823/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/luz-sefarad-ninias-salonik-poeta-sefardi-rita-gabbai-22-03-26/16989823/" alt=""/>
Luz de Sefarad - La Musher sefardí: lus i memoria - 15/03/26
15 mar 2026, 9:35 · 5 min
<p>En Luz de Sefarad kontinuamos selevrando a la musher sefardí ke es la transmisora de la kultura, kantes, romanses i kantes litúrjikos, ke fueron konservados por los sefardim traverso las djenerasiones. La lingua sefardí o djudeoespanyola es la rikeza ke aínda avlan las famyias sefardim, ke viashó kon kada musher a un muevo avenir desmpués de la ekspulsión de Sefarad, en 1492.</p><p>Dedikamos este kante kontemporáneo en lingua sefardí a todas las musheres: "Printzesita" lo interpretan la gran kantadera Flory Jagoda, z"l i Ramón Tasat.</p><div><br/><a href="https://www.rtve.es/play/audios/luz-de-sefarad/musher-sefardi-lus-memoria/16978905/">Escuchar audio</a></div><img src="http://secure-uk.imrworldwide.com/cgi-bin/m?ci=es-rssrtve&cg=F-N-B-TERNE-TERPROGR-TERCULTUR-TESLUZDE&si=https://www.rtve.es/play/audios/luz-de-sefarad/musher-sefardi-lus-memoria/16978905/" alt=""/>