Opera prima ABAO (eus)

6. Amodioa eta heriotza

27 jun 2025, 5:00 · 21 min

Drama da ABAO Bilbao Operaren 2025-2026 denboraldiko aukeraketaren adierazgarria. Hala azpimarratu du Enrique Bert operan adituak “Opera prima ABAO” podcastaren hirugarren denboraldiko seigarren eta azken atalean.Hurrengo denboraldiko bost operak xehetuz osatu du atala. Maitasunarekin eta heriotzarekin lotutako bost obra tragiko dira, hain zuzen ere: Verdiren "La forza del destino", Cilearen "Adriana Lecouvreur", Masseneten "Werther", Donizettiren "Maria Estuarda" eta Giordanoren "Andrea Chénier".“Opera prima ABAO”, ULU Mediak EITB Mediarentzat ekoitzitako podcasta da, ABAO Bilbao Operarekin lankidetzan.

5. "Otello", bi geinu elkartzen direnean

16 may 2025, 4:50 · 21 min

Operan aditua den Enrique Bertek ABAO Bilbao Operaren aurtengo denboraldiari amaiera ematen dion Giuseppe Verdiren "Otello" operari helduko dio Opera Primaren hirugarren denboraldiaren bosgarren atal honetan.Istorio tragiko eta hilezkor hau, Verdiren errepertorioko azkenaurreko lana da, eta, bertan, maitasuna, arrazakeria eta engainua uztartzen dira, William Shakespeareren izen bereko draman oinarri hartuta.

3. ''Tristan und Isolde'', maitasuna gainezka

14 abr 2025, 8:53 · 21 min

Operan aditua den Enrique Bertek ABAO Bilbao Operaren 2024-2025eko egitarauan eskaini den Richard Wagnerren "Tristan und Isolde" operari helduko dio atal honetan.Askoren ustez, "opera guztien ama" eta musika garaikidearen hasiera da "Tristan und Isolde", amodioaren estasia beste inork ez bezala erretratatzen duen lan hiperbolikoa.

4. “La Favorita”, hitzen balioa

28 feb 2025, 6:00 · 31 min

Operan aditua den Enrique Bertek ABAO Bilbao Operaren egitarauan eskainiko den Gaetano Donizettiren "La favorite" operari heldu dio Opera Primaren hirugarren denboraldiaren laugarren atal honi.Donizettiren opera honek "grand opera" frantsesaren estiloa du, balleta, abesbatza, eszena ikusgarriak eta lau ekitaldirekin. Horretaz gain, erromantizismoan ohiko den "exotismo espainiarrarekin" ere bat egiten du.

2. ''Il trittico'', hirurak bat

13 dic 2024, 14:17 · 21 min

Operan aditua den Enrique Bertek 2024-2025 ABAO Bilbao Operaren egitarauan eskainitako Giacomo Pucciniren "Il Trittico" operari heldu dio atal honetan"Il Trittico" opera hirukoitza da, gure sentimendu ibilbidearen hiru aurpegi islatzen dituena. Gure bizitzako une batean edo bestean agertzen direnak eta, batzuetan, elkarren artean harilkatu litezkeenak."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

1. ''Don Pasquale'', gazteak baleki zaharrak bezala

14 nov 2024, 6:00 · 18 min

Operan aditua den Enrique Bertek ABAO Bilbao Operaren 2004ko egitarauan eskaini den Gaetano Donizettiren "Don Pasquale" operari heldu dio "Opera prima ABAO" podcastaren hirugarren denboraldiari hasiera ematen dion atal honetan.Don Pasquale, hiru gaztek, bere bizitzaren amaiera eroso bihurtuko dion emakume gazte baten bila dabilen klasista zahar eta apetatsuari eman nahi dioten ikasgaia da."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

6. Dauden guztiak dira

21 jun 2024, 5:00 · 32 min

Enrique Bert operan adituak ABAO Bilbao Operaren hurrengo denboraldiko egitarauari helduko dio "Opera prima ABAO" podcastaren bigarren denboraldiko azken atalean. ABAOren 2024-25 denboraldia deskribatzen duen zerbait baldin badago, zera da: bertan arte eder honen historiako funtsezko lau konpositore biltzen direla: Verdi, Wagner, Puccini eta Donizetti."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

5. ''La Boheme'', amodio koktela

10 may 2024, 5:00 · 23 min

Giacomo Pucciniren "La boheme" operari helduko dio "Opera prima ABAO" podcastaren atal honetan Enrique Bertek. ABAO Bilbao Operaren 2023-2024 denboraldiaren egitaraua itxiko duen azken lana xehetu du operan adituak.Rodolfo poeta gazte behartsua, miseriatik gertu bizi da Parisko ganbara hotz batean eta norbaitek atea jotzen dio. Atea ireki eta Mimi, gaixo itxura duen neska gaztea da. Ikusi orduko maitemindu egin da."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

4. ''Rigoletto'', maitasun madarikatua

9 feb 2024, 6:00 · 26 min

Operan aditua den Enrique Bertek ABAO Bilbao Operaren 2023-2024 egitarauan eskainiko den "Rigoletto" Giuseppe Verdiren operari heldu dio "Opera prima ABAO" podcastaren atal honetan. Denboraldi honetako opera guztiak bezala, maitasunaz ari den obra da hau, edo maitasunaren gabeziaz eta, bereziki, amodiozko madarikazio bati buruzkoa."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

3. ''Serralloko bahiketa'': nota gehiegi

12 ene 2024, 6:00 · 21 min

Operan aditua den Enrique Bertek ABAO Bilbao Operaren 2023-2024 egitarauan eskainiko den "Serralloko bahiketa" Wolfgang Amadeus Mozarten operari heldu dio "Opera prima ABAO" podcastaren atal honetan.Mediterraneo ertzeko jauregi batean kokatzen da opera hau, non Selim pachak Konstanze gatibu duen. Lortuko al du Belmonte bere senargaiak Konstanze erreskatatzea, pachak berarekin ezkontzeko konbentzitu baino lehen?"Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

2. L'elisir d'amore: maitasun xaloa

9 nov 2023, 7:00 · 20 min

Gaetano Donizettiren "L'elisir d'amore" operari heldu dio operan aditua den Enrique Bertek "Opera prima ABAO" podcastaren atal honetan. ABAO Bilbao Operaren 2023-2024 egitarauan eskainiko den bigarren lana da.Ustezko maitasun-elixir bat erabiliz bere maitearen arreta bereganatzen ahaleginduko da Nemorino mutil gaztea, non eta Euskal Herriko herri txiki batean."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

1. Romeo eta Julieta: Betirako maitasuna

26 oct 2023, 5:00 · 27 min

Amodioz blai abiatuko dugu "Opera prima ABAO"ren bigarren denboraldia. ABAO Bilbao Operaren 2023-2024 egitarauan eskainiko den Charles Gounoden "Romeo eta Julieta" operari heldu dio Operan aditua den Enrique Bertek atal honetan.Bi maitale gazte, amaiera tragiko bat eta entzule guztiak maitemintzen dituen opera ezin ederragoa."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

6. Opera eta amodioa

16 jun 2023, 5:00 · 29 min

Ez dago denboraldia ixteko modu hoberik, hurrengo denboraldia aurkeztuta baino. Eta horixe da operan aditua den Enrique Bertek seigarren atal honetan proposatuko diguna. ABAO Bilbao Operak, 2023/2024 denboraldirako operaren munduan oso ezagunak diren bost obra hautatu ditu, eta guztiak maitasunaren lokarriarekin lotu genitzake. Obra hauek zeintzuk izango diren jakin nahi baduzu, entzun "Opera prima ABAO" podcastaren seigarren eta azken atala."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

5. ''Il Trovatore": Istorio txarrak ez dezala musika ona zapuztu

19 may 2023, 5:00 · 26 min

Musika onak argumentuaren edozein aldrebeskeria zuritzen du. Eta "Opera prima ABAO"ren kapitulu honetan Enrique Bertek horren adibide on bat erakutsiko digu, "Il trovatore" (Trobalaria) operarekin, "Rigoletto" eta "La Traviatta"rekin batera Giuseppe Verdiren opera trilogia ezaguna osatzen duen obra."Il Trovatore"ren istorioak maitasuna, mendekua, zeloak eta suntsipena uztartzen ditu.

4. ''Anna Bolena": Bi bizitza paralelo'

14 abr 2023, 5:00 · 26 min

Operan aditua den Enrique Bertek Gaetano Donizettiren "Anna Bolena" operari heldu dio "Opera prima ABAO"ren atal honetan, ABAO Bilbao Operaren 2022-23rako egitarauan aurkeztutako lana.Obra benetan ederra baina, hala ere, erdi ahaztuta zegoena, harik eta 1957an arte honen historiako izarrik handienetako batek, María Callasek, ahanzturatik erreskatatu zuen arte, Luchino Viscontik Milango Scalan zuzendutako funtzio historiko batean. Horrela, Maria Callas eta Anna Bolenaren izenak estuki lotuta geratu ziren betiko.Anna Bolena eta Maria Callas, bakoitza bere garaian bizitza bikaina izan zuten bi emakume dira. Biak ala biak, infernuetara jaitsi ondoren modu tragikoan amaitu zutenak."Opera Prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

3. ''I puritani": Nota bat baina gehiago

17 mar 2023, 6:30 · 23 min

Enrique Bert opera adituak, 2022-23rako ABAO Bilbao operaren egitarauaren lehen emankizuna izan zen Vincenzo Belliniren "I Puritani" obraren inguruan arituko da oraingo honetan.Obra honek, funtsezko bi elementu ditu: alde batetik, istorio erromantikoaren konbentzionaltasuna; eta, bestetik, nota bakar baten kondaira. Konbinatzen baditugu, historia tradizional bat dugu, zeina modu, agian bidegabean, operaren azken uneetan tenorrak jorratu behar duen notetako batek baldintzatuta aurkitzen den: Fa gainaltu bat, ia inoren eskura ez dagoena eta, hala ere, guztiek ezinegon eta ikusminez espero dutena. Iritsiko al da nota horretaraino, bai ala ez? Hor dago koska."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

2. "Tosca", amodioaren eta politikaren uztarketa

10 feb 2023, 6:00 · 15 min

Enrique Bert opera adituak, Bilboko ABAO opera egitarauan aurkeztutako Giacomo Pucciniren "Tosca" opera ezagunari buruzko azalpenak eman dizkigu "Opera prima ABAO"ren bigarren atalean."Tosca", zalantzarik gabe, operazaleek gehien maite duten obretako bat da. Hori bitxi samarra izan daiteke, kontuan hartzen badugu kontatzen den istorioa nahiko gordina dela: kartzela eta ideia politikoen ondorioz jasandako tortura eta heriotza, bereziki. Izan ere, "Tosca" maitasun istorioa da, bai, baina askatasunaren alde borrokan, boterearen zaindari gotorren aurrean topo egin dutenen istorioa ere bada. Nolabait ere, musika ezin ederragoaren bitartez, politika eta maitasuna batzen dituen opera."Opera prima ABAO" bilduman operako obra ezagunenen istorioen xehetasunak zehazten dira eta musika-pasarte esanguratsuenak eskaintzen dira.

1. ''Così fan Tutte": Misoginia arte bihurtuta

23 ene 2023, 10:32 · 18 min

Enrique Bert opera adituak, ABAO Bilbao opera elkartearen egitarauan aurkeztutako Mozarten "Così fan tutte" opera ospetsuari buruzko azalpenak eman dizkigu "Opera prima ABAO" podcastaren aurreneko atalean, bere istorioaren nondik norakoak xehetuz eta musika-pasarte esanguratsuenak eskainiz.Gaur egungo pentsamolde berdinzaletik oso arrotza egiten zaigun arren, zoritxarrez operaren ibilbide klasikoan oso presente egon den gaia da kasu honetan ardatza: misoginia. Izan ere, opera honetan, gizonezko pertsonaiek haien emakumezko bikotekideen fideltasunaren apustua egiten dute, "cosi fan tutte" edo "horrela egiten dute (emakume) guztiek" mespretxuzko esaldia erabiliz. Mezu misogino eta atzerakoi hau gaindituz, nolanahi ere, Enrique Bertek Mozarten opera honen edertasuna topatzen lagunduko digu.