Zulora

5. Euskaraz, zergatik?

28 feb 2025, 14:06 · 40 min

Euskalgintzak lorpen asko bildu ditu azken 50 urteetan. Euskarak territorio asko irabazi ere bai. Baina asko aldatu da mundua ordutik, eta erabilera datuak ez dira askok nahi bezain onak. Diotenez, gazteona da ardura. Eta ez dugu erreleboa behar bezala hartu. Hipotesi hori zalantzan jartzeko moduko hiru lagun gonbidatu ditugu Zulora. Mikel Aiartzaguena, Uxue Rey eta Iñaki Dorronsoro. Haiei bota diegu galdera. Zer egin behar dugu desberdin, euskarak bizi eta bizirik jarrai dezan? Edo buelta emanda: zergatik egin behar du, gaur egun, euskaraz gazte batek?

6. Tradizioari Traizio

28 feb 2025, 14:03 · 35 min

Gazteon bizkarren gainean jartzen denean, pisu handiko hitza da tradizioa, baina tradizioari segitzea ez da derrigor bere horretan errepikatzea. Traizio egitea ekarpenetan baliotsuena izan daiteke; horrela berritu, zabaldu eta aberasten dira gure ohitura eta eremuak. Modu batera edo bestera, horretan ari diren hiru gazte ekarri ditugu Zulora. Eñaut Zubizarreta, Leire Vargas eta Lur Errekondo.

4. Kuadrilla, entzun

28 feb 2025, 12:06 · 39 min

Kuadrila, koadrila, kuadrilla. Ez dakigu oso ondo nola idatzi behar den, baina denon bizitzak gurutzatzen ditu kuadrilarekin dugun harremanak. Badutenek badutelako, ez dutenek ez dutelako. Zenbat du babesetik, zenbat mugatik? Nolakoa da bizitza lagun talde finko bateko kide izan gabe? Badakigu kuadrilla eta beste harreman batzuk ondo uztartzen? Horri erantzuteko lagun-talde alternatiboa elkartu dugu Zuloran. Gurekin izango dira, Ibis Ugarte, Nahia Ruiz eta Unai Etxenausia.

3. Uf! gizonak

28 feb 2025, 11:48 · 32 min

Uf, gizonak. Halakorik esan edo pentsatu ez baduzu inoiz, gizona zarelako da. Eta gizonez ari garenean, ez gara genitaletaz ari. Munduan egoteko modu bat da gizontasuna, ikasia, pribilejioz josia eta kodigo propioak dituena. Baina eredu on edo txarrak badaude? Atera daiteke gizontasunetik? Gaiaren zirrikituetan arakatzeko ekarri ditugu gurera Iñigo Etxezarreta, Irati Erauskin eta Aner Euzkitze.

2. Metabertsoa

28 feb 2025, 11:42 · 38 min

Kriptotxanponak, NFTak eta metabertsoa. Konturatzerako, ia egunero entzuten ditugun hitzak bilakatatu dira. Baina entzutetik ulertzera saltoa dago. Eta ulertu gabe, zaila da kokatzea: aukeraz beteriko mundu berria dakarte? Edo kapitalismoaren tranparik berriena besterik ez dira?Gaiaren argilunetan arakatzeko eta teknologia berri hauek izan dezaketen ibilbidez hausnartzeko Lorea Argarate, Leire Lison eta Gorka Lorenzo izango ditugu gurekin. Ez galdu!

1. Klima larrialdia

28 feb 2025, 10:18 · 45 min

Pandemiak. Elikagai eskasia. Tenperaturen igoera. Munduaren etorkizunarekin larritzeko nahi beste aitzakia daude. Eta guk, galdera mordoa dauzkagu. Horiek erantzuteko etorri dira Zulora Gorka Laurnaga, Anne Rodriguez eta Mikel Izurieta. Nola aldatu behar dira gure gizarteak etorkizunean ere mundu bizigarri bat izan dezagun? Gurea da ardura? Badago egoera hobetzerik, errotiko aldaketarik gabe?

6. Hau gurasoen kontura!

29 nov 2023, 6:00 · 47 min

Gazteon bizi-egoeraren argazkia nahi denean, zenbakiei begira jartzea da ohikoena: langabezia-tasa, bataz-besteko soldata…. Baina bada ia beti kanpo uzten den aldagai bat: gurasoak.Zenbat baldintzatzen du gazteon bizitza gure gurasoen maila ekonomikoak? Eta haien estatusak? Zergatik ez dugu gaiaz gehiago hitz egiten? Isiltasun horri hitzak jartzeko izan dira "Zulora"ren denboraldi honetako azken atalean gurasoei dezente zor dietela aitortzen duten hiru lagun: Aissa Intxausti, Eneko Garcia eta Xabi Murua."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

5. Zertan sinesten dugu?

22 nov 2023, 6:00 · 37 min

Gazte gehienak ez dugu gure burua fededuntzat jotzen. Ez behintzat sinesmen hitza erlijio kristauarekin eta eliza katolikoarekin lotuz gero. Baina zertan sinesten dugu guk? Arrazoimenak erabat asetzen gaitu? Espiritualtasunak beste bide batzuk ere har ditzake?Galdera hauetan arakatzeko elkartu ditugu Leo Bueriberi, Iker Mendibe eta Danel Valero "Zulora"ren atal honetan."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

4. Lodifobia

8 nov 2023, 6:00 · 39 min

Nork bere burua onartu behar duela diote esloganek, baina nola begiratzen dio gizarteak argaltasunaren kanonetan sartzen ez denari? Gimnasioa, dietak eta abarrez josi dizkigute agendak. Berdin iragarkiak eta sareak. Zer dago horren guztiaren atzean? Nola eragiten digu bakoitzari?Gaiaren lokatzetan sartzera gonbidatu ditu Ane Zuazubiskarrek, Leire Murguialday, Jokin Pedreño eta Maddi Etxeberria. Julen Portillo eta Leo Buriberik kaleko pultsua hartzen lagundu digute atalean zehar."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

3. Lehen sektorea

25 oct 2023, 5:00 · 34 min

Ikasi. Egin gradua. Masterra. Beste master bat. Izan mediku, ingeniari, irakasle, artista, kazetari… Nekazaritza edo abeltzantza ez dira ustez gazteokin lotzen. Baina, beste arlo bateko ikasketak egin ondoren, lehen sektorera iritsi edo itzuli direnak etorri dira "Zulora" atal honetara gonbidatu.Kattin Chilibolostek, zientzia politikoak ikasi, kazetaritzan trebatu eta egun bildotsak hazi eta gasna egiten du. Biologia gradua egin zuen berriz Uxue Amonarrizek eta musikaren munduan urratsak eman ostean, barazki ekologikoak ekoitzi eta saltzen ditu. Erlezaina da Mattin Jauregi, erleak maite ditu eta bertako espeziea zaintzen ari da. Ane Zuazabiskarri azaldu dioten bezala, lurraren alde egin dute; naturarekin konektatzeko. Horrek ez du esan nahi munduarekin deskonexioa egin dutenik, ordea. Alderantziz, lan ezegonkorra dute eta fakturak egin beharra dituzte, baina gustora egiten dute egiten dutena.Julen Portillo eta Leo Buriberik kaleko pultsua hartzen lagundu digute atalean zehar."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

2. Bikotezentrismoa

11 oct 2023, 5:00 · 36 min

Familia bazkarietako galdera ikurra izaten da: eta zuk, ez al daukazu bikotekiderik? Amorru handia ematen duen galdera da. Baina, ba ote dakigu etorkizuna beste modu batera irudikatzen? Bikotekideak zenbateraino aldarazten ditu gure lehentasunak? Gizarte bikotezentristan bizi al gara?Bikotekeriak agintzen oten duen aztertzeko, Luix Mitxelena, Iholdi Beristain eta Unai Ribera eseri ditu inguruan Ane Zuazubiskarrek "Zulora"ren atal honetan."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

1. (Des)konexioa

27 sept 2023, 5:00 · 38 min

Sakelakoa eskuan eta ibili munduan!Gure lanbideak, gure harremanak, norberaren irudia… gaur egun dena pasatzen da sarearen filtrotik. Gauden tokian gaudela ez gaude han bakarrik. Online ere bagaude aldi berean. Zer ondorio ditu bizitzeko modu horrek? Ba ote egoera horri uko egiteko modurik?"Zulora" podcastaren hirugarren denboraldia hasteko, Iruñe Astiz, Jon Abaitua eta Telmo Lazkano elkartu ditu Ane Zuaubiskarrek."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

6. Eliteko kirola

15 dic 2021, 9:09 · 34 min

Askok eta askok amestu dute noizbait podiumera igo, txapela jantzi edo eta helmugara lehena iristearekin. Gehienak, ordea, hor gelditzen dira, ameskerian. Eliteko kirola aipatzean askori ospea, auto garestiak eta publizitate akordio estratosferikoak etorriko zaizkigu burura. Baina nolakoa da eliteko kirolariaren bizitza? Eta, nolakoa da sarri fokotik kanpo dauden kiroletan? Zer da dominaren atzean dagoena?Gaian sakontzeko eliteko hiru kirolari izango ditugu "Zulora" podcastean: Tokioko Olinpiar Jokoetan zilarra irabazi duen Iñigo Llopis igerilaria, mendi lasterketetan munduko junior txapeldun eta bost aldiz Espainiako txapeldun izan den Irati Zubizarreta eta Xubane Uribarrena, 2021ean Kontxako Bandera eta Euskotren Liga irabazi dituen Arraun Lagunak taldeko patroia."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

5. Eztanda Iruñerrian

24 nov 2021, 21:33 · 31 min

Argi dago Iruñerriko eszena kulturalak eztanda egin duela 2021. urtean, batez ere, musikari erreparatzen badiogu. Bertan jaiotako proposamenek sareak eta plazak astindu dituzte, gozamenari bezala eztabaidari ere ateak zabalduz. Zer dago eztanda honen atzean? Zenbaterainokoa da? Zer gertatzen ari da Iruñerrian?Gaian sakontzeko "Zulora" podcastean eztanda honen protagonistetako batzuk gonbidatu ditugu: Beñat Rodrigo "Kiliki Frexko", Chill Mafiako abeslari eta ekoizlea, Amets Aranguren, Ibil Bedi taldeko musikari eta abeslaria, eta Niko Leonardo, Skabidean taldeko musikaria eta Oskarbi argitaletxeko kidea."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

4. Zer moduz gaude?

10 nov 2021, 8:46 · 32 min

Antsietatea, depresioa, apatia, ezinegona. Gazteon artean, gero eta ohikoagoak dira buru osasunarekin zerikusia duten diagnostikoak eta estigmari aurre egiten dioten ahotsak. Zenbateraino eragiten digute baldintza materialek? Ba al dauzkagu emozioak kudeatzen laguntzeko tresnak?German Urteaga, kirol psikologian aditua, Sugoi Etxarri, psikologoa, eta Maddi Etxeberria, nutrizionista, elkartu ditugu "Zulora" podcastean, gertutik eta kezkaz bizi duten gaian arakatzeko."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

3. Errudunak

27 oct 2021, 15:41 · 27 min

Arduragabeak, egoistak, mozkorrak, zikinak. Errudunak. Hori gara gazteak, pandemian zehar zabaldutako hainbat diskurtso eta irudiaren arabera. Baina zer dago horren atzean. Zergatik ez digu inork zuzenean guri galdetzen? Kontuan hartu gaituzte? Galdera hauek eta gehiago izango dituzte solaserako Pablo Sa, Ane Peñagarikano, eta Ane Saez de Espigak, beste Ane batek, Ane Zuazubiskarrek gidatutako podcastean."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

2. Arrazistak, gu?

15 oct 2021, 5:19 · 27 min

Argi ikusten dugu arrazakeria urrun gertatzen denean. Baina, kontziente al gara gure herrikide arrazializatuek bizi duten diskriminazioaz? Nolakoa da gazte arrazializatu bat izatea XXI. mendeko euskal gizartean?Arrazakeriaren aurpegi ezberdinak beraien azalean bizi dituzten hiru lagun izan ditugu "Zulora" podcastean. Oihane Ofogo, Jon Arantzabal eta Leo Bueriberen laguntzaz Euskal Herriko gazte arrazializatuek bizi dituzten errealitateen inguruan hausnartu dugu, Ane Zuazubiskarrek gidatutako solasaldian.Gaiari ertz bat gehiago gehitzeko ardura, EHUko irakasle eta Irungo Harrera Sareko kide Anaitze Agirreren esku utzi dugu."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.

1. Matxismoaren sarean

1 oct 2021, 13:16 · 26 min

Zenbateraino da arrotza sareetako plaza emakume gazteontzat? Zenbat indarkeria jasotzen dugu sareetan? Eta nola egin diezaiokegu aurre?"Zulora" podcastaren lehen atalean galdera hauei erantzuna ematen saiatu gara. Emakume gazteok sarean bizi ditugun zapalkuntza forma ezberdinak eta horiek eguneroko jardunean duten eragina izango dira aztergai. Horretarako, Maialen Arteaga kazetaria, Marina Landa musikari eta ikerlaria eta Irati Erauskin psikologoa gonbidatu ditugu Ane Zuazubiskarrek gidatutako solasaldira. Estibaliz Linares ikerlariak egin du ekarpen osagarria eta Julen Portillo "Zulotik At" irten da kaleko iritziak jasotzera."Zulora" bilduman hainbat gai aztertzen dira solasaldi batean. Kaleko iritziak ere jasotzen dira.